Congratulations! You are now on the waiting list, please check your inbox for our confirmation email!

Register Account

Sign In

Hóptímar

Hóptímar

Venjulegt verð
16.000 kr
Venjulegt verð
Tilboðsverð
16.000 kr
Unit price
per 
Availability
Uppselt

8 skipta klippikortið þitt gildir í alla hóptímana okkar svo þú getir púslað saman æfingum í hverri viku sem henta þér.

Kortið gildir út haustönnina - þ.e. frá 4. ágúst til 30. nóvember 2020.

Þú kaupir klippikortið hér og býrð þér svo til aðgang að bókunarkerfinu hér fyrir neðan. Þar inni geturðu fylgst með stöðunni á kortinu, séð stundaskrána og bókað þig og/eða afbókað í tíma.

Alla tíma þarf að bóka sig í fyrir komu. Ef þú sérð ekki fram á að komast í tíma sem þú ert skráð í þarftu að afbóka tímann með 4 klst. fyrirvara. Ef tímar fyllast getur þú skráð þig á biðlista og færð þá tölvupóst ef pláss losnar.

Börn eru velkomin með í alla mömmutíma en í hádegistímunum leyfum við athyglinni að færast á okkur sjálfar.

 

MÖMMUTÍMAR

Mömmutímarnir henta bæði þeim sem eru að taka sín fyrstu skref í hreyfingu eftir meðgönguna en líka þeim sem eru núþegar komnar af stað en vantar að skerpa á grunnatriðunum. Við kennum í litlum hópum og höfum því töluvert svigrúm til þess að veita einstaklingsmiðaðar ráðleggingar. 

Endurhæfingarprógrammið okkar hefur verið í stöðgri þróun undanfarin ár og byggir á því að hjálpa þér að æfa í meðvitund og að veita smáatriðunum athygli svo þú getir aftur hoppað, hlaupið og hreyft þig eins og þig langar til.  Við teygjum og nuddum vöðvana sem stífnuðu upp á meðgöngunni, virkjum aftur djúpvöðvakerfið, styrkjum vöðvana sem rýrnuðu og flæðum svo í gegnum mjúkar æfingar, öndum og róum niður taugakerfið. Við bjóðum mömmur sem glíma við grindarbotnsvandamál, finna fyrir verkjum í mjaðmagrind og/eða baki sérstaklega velkomnar í hópinn.

Börn eru velkomin með í tímana. Við mælum með því að þú mætir 5-10 mín fyrir tíma þegar barnið er með því oft tekur smá tíma að gera alla klára fyrir æfinguna. Í salnum erum við með mjúk leikteppi en börn eru hvött til þess að koma með leikföng að heiman. Gott er að hafa í huga að koma frekar fyrr heldur en seinna til okkar á orlofstímabilinu þar sem það getur verið krefjandi að æfa og einbeita sér þegar barnið er komið á fleygi ferð.

 

MJÚKT FLÆÐI

Í mjúka flæðinu vinnum við með æfingakerfi hannað af sjúkraþjálfurum sem dregur úr algengum einkennum eins og spennuhöfuðverk, vöðvabólgu, mjóbaksverkjum og einkennum frá mjöðmum og hnjám.

Í tímunum förum við í gegnum mjúkar æfingar, teygjur og nudd og endum alla tíma á góðri slökun. Við leggjum við mikla áherslu á að hver og ein tengist sínum líkama og fari í gegnum æfingarnar á sínum forsendum. Hóparnir eru fámennir og því mikið svigrúm til þess að veita einstaklingsmiðaða ráðgjöf til hverrar og einnar. 

 

STYRKUR&MOBILITY

Í tímunum tökum við aðeins meira á því en í hinum tímunum okkar. Fáum púlsinn upp, liðkum upp svæði sem gjarnan stífna upp í daglegu lífi og styrkjum okkur inn í góða líkamsstöðu. Við tölum þig í gegnum æfingarnar og tryggjum það að þú æfir í góðri meðvitund, finnir vel fyrir líkamanum þínum og kynnist sjálfri þér betur.

Tímarnir henta einstaklega vel samhliða annarri hreyfingu eins og t.d. hlaupum eða göngum þar sem við vinnum með æfingakerfi sem koma líkamanum inn í aukið jafnvægi og gera honum auðveldara fyrir að takast á við hvers konar álag.