Congratulations! You are now on the waiting list, please check your inbox for our confirmation email!

Register Account

Sign In

HRAUST eftir fæðingu

HRAUST eftir fæðingu

Venjulegt verð
14.900 kr
Venjulegt verð
Tilboðsverð
14.900 kr
Unit price
per 
Availability
Uppselt

NÆSTA NÁMSKEIÐ HEFST 30. NÓVEMBER

Eftir fæðingu ranka margar konur við sér í nýjum líkama sem þær þekkja varla. Bíða svo eftir "grænu ljósi" á hreyfingu þegar ákveðið margar vikur eru liðnar frá fæðingu og geta ekki beðið eftir að komast aftur í gömlu hreyfinguna sína.
Það eru að okkar mati stærstu mistökin, að stökkva aftur af stað án þess að vinna upp góðan grunn fyrst. Þó svo að allt sé gróið og virðist kannski vera komið aftur í samt horf er margt sem hefur breyst í líkamanum sem gengur ekki til baka að sjálfu sér nema með réttri þjálfun.

Fyrstu mánuðirnir eftir fæðingu eru líka viðkvæmt tímabil og tími þar sem það er auðvelt að missa tengslin við sjálfa sig, líkamann, félagslífið og samfélagið í kring. Á þessum 8 vikum förum við því ekki eingöngu í gegnum þau líkamlegu atriði sem við finnum að flestar konur eiga í erfiðleikum með heldur reynum við að minna hver aðra á að gera litla hluti fyrir okkur sjálfar og að halda sambandi við fólkið sem þekkti okkur líka áður en við urðum mömmur. Við æfum okkur í því að taka eftir merkjunum sem líkaminn sendir okkur og að vera sveigjanlegar í því sem við tökum okkur fyrir hendur. Við gerum æfingar til þess að auka þakklæti í garð líkamans, gefum okkur leyfi fyrir því að vera viðkvæmar og að líða nákvæmlega eins og okkur líður á hverri stundu fyrir sig.

Í hverri viku förum við yfir ákveðið þema og á innri vef námskeiðsins geturðu séð fræðslu á hlaðvarpsformi (sem er tilvalið að hlusta á úti í göngutúr með vaginn) og 1-3x æfingamyndbönd sem fara yfir þema vikunnar.

Á mánudögum kl.11:30 erum við svo live í facebook hópnum “HRAUST eftir fæðingu”. Þar köfum við dýpra ofan í t.d. andlegu líðanina, grindarbotnsvandamál, kviðvöðvaspennu, öndun, grindarverki, allt tengt rassinum og svörum svo öllum þeim spurningum sem koma upp. Þar setjum við líka inn lítil verkefni til þess að hlúa betur að okkur sjálfum í hverri viku fyrir sig.

Í lok námskeiðs ættir þú að hafa nóg af verkfærum til að bregðast við merkjum líkamans þegar þú heldur áfram að auka álag á æfingum seinna meir. Þú ættir að hafa betri skilning á sjálfri þér og líkama þínum, góð tök á virkjun djúpvöðvakerfisins og öndun. 

Engar áhyggjur samt ef þú nærð ekki að fylgja prógramminu eftir í hverri viku! Þú hefur ótakmarkaðan aðgang að bæði prógramminu og facebook hópnum svo þú getur tekið þann tíma sem þér hentar í endurhæfinguna og farið eins oft í gegnum námskeiðið og þú vilt.

Námskeiðið er hannað með þarfir nýbakaðra mæðra í huga og algengast er að konur komi til okkar u.þ.b. 6-10 vikum eftir fæðingu. Það er hinsvegar aldrei of seint að byrja svo ef þú hefur gengið með og/eða fætt barn en aldrei unnið markvisst með kvið- eða grindarbotnsvöðva þá er þetta námskeið líka fyrir þig.

 

Verð: 14.900 á mánuði í 2 mánuði. Fyrri greiðsla við skráningu og seinni greiðsla send í heimabanka.
Ef allt er greitt í einu er verðið 24.900 í eingreiðslu, greitt við skráningu.